As farmacias da provincia de Pontevedra con motivo da celebración do día mundial da saúde, que este ano está dedicado á diabete, poñen en marcha unha campaña sanitaria baixo o lema "¡Implícate para previla! A túa farmacia axúdache".
Segundo a OMS, unha elevada porcentaxe dos casos de diabete son prevenibles. O cambio no estilo de vida, o mantemento do peso normal, a realización de actividade física periódica e unha dieta sa, son medidas eficaces para previr ou atrasar a aparición da diabete de tipo 2.
Ao longo do día 7 de abril, as farmacias realizarán test de diabete aos cidadáns que así o desexen.
Ademais, o farmacéutico asesorará aos interesados sobre hábitos de alimentación e vida saudables, para iso contarán con material de apoio editado polo Colexio de Farmacéuticos de Pontevedra.
Con esta campaña preténdese contribuír á consecución dos obxectivos do Día Mundial da Saúde 2016: intensificar a prevención, mellorar a atención e reforzar a vixilancia sobre a enfermidade.