Unha árbore de sete metros tecido a ganchillo preside este Nadal a praza de O Cruceiro, en Sanxenxo.
É parte da decoración do Nadal realizada polos veciños das rúas Carlos Casas, Oriente, Domingo Antonio de Ledo e Fuensanta.
Desde hai sete anos tomaron as rendas do decorado do Nadal destas rúas con motivos realizados de forma artesanal con las de cores.
Este ano deron un paso máis e teceron esa árbore de croché que é este ano o principal protagonista da decoración do Nadal.
Tamén realizaron un recuncho a modo de postal do Nadal que convida aos que se acheguen a inmortalizar o momento neste espazo.
Segundo explica Ana Fontán, a idea xurdiu "un pouco de broma para desfacerme de todos os ovillos de la que tiña en casa".
En colaboración con Clara Fontán, Miguel Martínez e Luís, organizáronse para converter a zona nun motivo de atracción do Nadal.
Arcos con motivos de croché, gorros de Papa Noel nos farois, unha pequena árbore realizada a base de pequenos manteis de gancho que as avoas puñan nas mesillas de noite, renos de madeira e máis de 800 metros de luces completna a decoración.
O resultado é un espazo único, orixinal e puramente artesanal.
A decoración inaugurouse cunha chocolatada e logra moito apoio veciñal. "Facémolo con moito agarimo e todos os veciños implícanse", asegura Clara Fontán.