Este venres celebrábase a segunda Xornada de Economía Circular na Escola de Enxeñaría Forestal do campus de Pontevedra, organizada polo Colexio Oficial de Química de Galicia e a propia facultade.
Alí dábanse cita representantes de empresas asentadas en Galicia que mostraron a súa idea de apostar pola economía circular.
Entre as entidades que asistiron atopábase Ence. O director territorial en Galicia, Antonio Casal, presentaba o Proxecto Bitúmina, que busca a investigación e optimización do uso da lignina, un elemento que se atopa na madeira. O aditivo aglutinante que resulta ofrece, segundo distintos estudos, propiedades óptimas para a súa utilización como ligante en emulsiones bituminosas. Esta posibilidade abre a opción a que sexa usada para o asfaltado de estradas substituíndo parcialmente ao betume asfáltico que se utiliza na actualidade.
A iniciativa investigadora na que participa a Universidade de Santiago, o Centro Tecnolóxico de Investigación Mulltisectorial e a compañía Misturas desenvolverase nos próximos tres anos.
Casal tamén presentou o Proxecto Vinevox, que persegue a valorización integral dos residuos de poda para a fabricación de papel que se emprega en etiquetas e caixas de viño. Sinalou que o 10% dos viñedos españois atópanse en Galicia e cada hectárea xera a través da poda de dúas a catro toneladas de sarmientos. O representante de Ence indicou que a empresa pasteira busca facer rendible este proxecto e que "ao mesmo tempo sexa sostible".
Ao longo da xornada mostráronse diferentes proxectos empresariais, na maioría dos casos vinculados ao sector forestal centrándose na importancia que teñen os produtos derivados da madeira na economía circular.