O centro penal da Lama será obxecto dun "ambicioso proxecto de mellora e modernización" valorado en máis de 8,2 millóns de euros.
O subdelegado do Goberno en Pontevedra, Abel Losada, anunciou este luns a licitación do proxecto e mostrou a súa "satisfacción".
Trátase dunha obra "de gran complexidade técnica e loxística", en palabras de Losada, que destacou que o proxecto abarca desde a renovación de cubertas e sistemas de calefacción ata a mellora en comunicacións, fontanaría e evacuación de augas.
O cárcere da Lama é "unha infraestrutura penal clave en Galicia" e este investimento "moi esperado", segundo o subdelegado, "vai reforzar os seus estándar actuais de funcionamento e seguridade".
Abel Losada insistiu en que esta actuación "reflicte o firme compromiso" do goberno estatal coa mellora continua das nosas infraestruturas penais.
Con este tipo de actuacións, segundo o subdelegado, "garántense contornas máis seguras, eficientes e dignos, tanto para internos como para traballadores", por iso é polo que aplaude a licitación.