O centro de día Al faro, situado na rúa Alcalde Hevia 3, no barrio de Campolongo en Pontevedra, celebra o seu primeiro aniversario.
Fundado e dirixido por Alicia Méndez e Rocío Pidre, dúas emprendedoras apaixonadas polo benestar e o acompañamento das persoas maiores, Al faRo consolidou a súa posición en Pontevedra como un espazo de apoio, coidado e desenvolvemento integral para os seus usuarios.
Dende a súa apertura, buscou mellorar a calidade de vida dos seus usuarios, promover a súa autonomía e fomentar un ambiente de respecto, alegría e profesionalismo, facendo que se sentan "na casa".
Un ano de compromiso e dedicación
O centro abre as súas portas todos os días da semana de 08:00 a 22:00, adaptándose ás necesidades dos usuarios e as súas familias. Este horario amplo permite que tanto os usuarios como os seus familiares poidan acceder aos servizos en horarios que se axusten ás súas rutinas e obrigacións.
Durante este primeiro ano, Al faRo centrou os seus esforzos en ofrecer unha gama de actividades físicas, cognitivas e sociais que permiten aos usuarios manter e mellorar as súas capacidades físicas e mentais.
Actividades do máis diversas, entre debates, talleres de poesía, de cociña, de pintura, charlas como Fis, o Cisne, a Asociación Galega do Viño, ou saídas a museos, ou simplemente a comer xuntos gozando dun día diferente.
Ademais, o equipo multidisciplinar como Gonzalo que pon a ilusión e arte nas actividades, Mary Luz, Isabel e Ana que apoian e coidan con gran delicadeza e mimo a cada Usuario; logran crear un ambiente de confianza e de "familia".
Agradecemos a colaboración de Mirta, que coa súa creatividade e orixinalidade colabora en talleres; Geles, coa súa arte coas las, deseñan uns bolsos únicos; Aurora dando a súa pincelada de diversión nos talleres cognitivos e por último Leny coa súa música e Raquel coa súa pintura.
Un dos obxectivos clave de Al faRo foi establecerse non só como un espazo de coidado, senón como un referente no acompañamento a persoas maiores en Pontevedra, que son os realmente importantes e de quen queremos aprender cada día.
A charla aniversario: unha xornada de aprendizaxe
O Dr. Iago López, Director asistencial no Centro Médico Pontevedra, abriu a charla compartindo a súa experiencia na importancia do trato no coidado e atención de persoas maiores. Durante a súa intervención, o Dr. López falou sobre a necesidade do trato personalizado e dedicar os tempos necesarios á persoa, lembrando "que debemos evitar a condescendencia".
Pola súa banda, Juan Donoso, fisioterapeuta á fronte da Clínica Physinmotion Fisioterapia en Pontevedra, destacou a importancia da atención temperá por expertos na prevención de problemas de equilibrio e no mantemento da independencia das persoas maiores. Donoso explicou como exercicios sinxelos, adaptados ás capacidades de cada individuo, poden ter un impacto significativo no benestar xeral. "O 60% dos maiores de 60 anos vai sufrir vertixes ou problemas de equilibrio", comentou Donoso, quen ademais compartiu consellos prácticos para incorporar exercicios na rutina diaria dos maiores.
Finalmente, Aurora Coego, educadora social, abordou o aspecto emocional do envellecemento e a importancia do apoio social nesta etapa da vida. Aurora falou sobre como o illamento e a soidade son factores que poden afectar negativamente a saúde mental dos maiores, e destacou a relevancia dos centros de día como Al faRo, que crean espazos onde as persoas maiores poden socializar, aprender e sentirse acompañadas traballando a área cognitiva dende un enfoque diferente.
"O benestar emocional é tan importante como o físico. Necesitamos espazos de encontro onde os maiores se sentan escoitados e valorados", sinalou Aurora.
Para finalizar o evento, que mellor que un concerto de "Quinteto en clave", gozando dun aperitivo preparado no Centro, cos Usuarios, para compartir coas familias e asistentes, "as merendas de Al faRo".
Tras a intervención dos relatores, Alicia Méndez e Rocío Pidre tomaron a palabra para agradecer aos presentes polo apoio recibido durante este primeiro ano e para compartir os seus plans futuros para Al faRo.
"Foi un ano de moita aprendizaxe e crecemento. Estamos agradecidas por cada usuario, cada familia e cada profesional que confiou no noso proxecto", expresou Alicia.
Rocío, pola súa banda, resaltou a importancia de seguir innovando e de ofrecer servizos cada vez máis personalizados, baseados nas necesidades específicas de cada usuario.
O primeiro aniversario de Al faRo é un testemuño do compromiso co benestar das persoas maiores e as súas familias. En tan só un ano, lograron crear un espazo seguro e acolledor que contribúe ao desenvolvemento e ao goce da vida nesta etapa.
Coa súa visión clara e a súa dedicación, Al faRo perfílase como un referente no coidado de maiores en Pontevedra, un lugar onde cada usuario é tratado con respecto, atención e profesionalismo.
