Un grupo de familiares das 21 vítimas do Villa de Pitanxo viaxará a próxima semana a Canadá para colocar unha placa en recordo dos falecidos en San Xoán de Terranova, en cuxas augas, o 15 de febreiro de 2022, afundiuse o buque marinense.
Trátase do mesma homenaxe que xa se fixo en Marín, Cangas, Pontevedra, Vigo, As Palmas de Gran Canarias ou Huelva.
As familias levan meses organizando este acto e o día 21 de xuño descubrirase esta última placa que "será la que esté más cerca del lugar de la desgracia", polo que ten "un gran significado" para todos.
"Viajaremos un grupo en representación de las 21 familias para estar presentes en el descubrimiento de la placa, la inauguración de una estatua memoria de los 21 y la misa solemne en la catedral de San Juan de Terranova", comunicou a portavoz das familias afectadas, María José de Pazo.
As familias expresaron o agradecemento á Consellería do Mar e aos Ministerios de Agricultura, Pesca e Alimentación, ao de Exteriores, á Armada española, á Junta de Andalucía e ao goberno de Canarias pola súa colaboración.
A secretaria xeral de Pesca, Isabel Artime e do director xeral de Pesca, Antonio Basanta acompañarán ás familias a Canadá e participarán nestes actos representando ao Goberno de España e á Xunta de Galicia.
Está previsto que todos sexan recibidos por Alfredo Martínez Serrano, embaixador de España en Canadá así como outras autoridades do país.
Nos actos de memoria desprazaranse autoridades estatais canadenses así como os servizos que participaron no rescate dos tripulantes do Villa de Pitanxo e na repatriación dos corpos que puideron ser recuperados.
"Estos actos tienen un gran significado emocional para las familias de las víctimas pero también sentimos que es una muestra de respeto, recuerdo y homenaje a los 21 y a toda la gente que conforma la familia del mar", manifestou María José de Pazo.