Ás 28 prazas convocadas ata o de agora dentro da súa última oferta pública de emprego, o Concello de Pontevedra decidiu sumar dezaseis máis. Todas elas, tanto as de acceso libre como as de promoción interna, serán convocadas "proximamente".
Así o avanzou a portavoz do goberno municipal, Anabel Gulías, que explicou que estes postos servirán para "reforzar" a administración e "modernizar" o seu funcionamento.
As prazas de promoción interna, reservadas para persoas que xa estean a traballar no Concello, serán dous de técnico medio da administración xeral, un oficial condutor mecánico, dous oficiais electricistas, un oficial de xardinería e un oficial de obras.
As outras nove, pola súa banda, sairán a concurso-oposición de acceso libre.
Son dous subalternos da administración xeral, dous traballadores sociais, un bombeiro condutor, dous policías locais e dous oficiais electricistas.