A Asociación para a Recuperación da Memoria Histórica de Marín volve rematar o ano con moita memoria, lembrando ás vítimas do franquismo no municipio.
O domingo, 31 de decembro, celebrarán no Paseo Alcalde Antonio Blanco o acto anual de lembranza e homenaxe ás veciñas e veciños que defenderon a liberdade, personalizada, neste caso, en Albino Agraso Santamaría, Antonio Blanco Solla, Amando Iglesias Pérez, Demetrio Lorenzo Ordóñez, Santiago Ramos Ramos e Bernardino de la Torre Fernández, que foron fusilados o 31 de decembro de 1936.
O acto comezará ás 13.00 horas coa intervención da investigadora e escritora Iria Morgade Valcárcel e a participación de familiares de vítimas asasinadas hai 87 anos, o 31 de decembro de 1936.
A nota musical vaina poñer o cantautor local Samu Acuña.