Con motivo do Día da Forzas Armadas, a Escola Naval Militar de Marín promove a celebración de varios actos, como exposicións fotográficas e audiovisuais; xornadas de portas abertas, unha conferencia divulgativa de interese xeral e concertos da Banda de Música. A entrada a todas as actividades será libre.
En Pontevedra, o edificio do Patrimonio Documental e Bibliográfico da Deputación Provincial acollerá unha exposición fotográfica sobre a "formación militar e académica dos alumnos da ENM", do 1 ao 6 xuño en horario de 10,30 a 14,00 horas.
Ademais, impartirase a conferencia 'Centenario da Arma Submarina' o 3 de xuño ás 20,00 horas a cargo do capitán de fragata Gustavo Adolfo Gutiérrez de Rubalcaba Sánchez-Ferragut.
Mentres, en Marín se celebrará o acto de homenaxe aos caídos fronte ao Concello e posterior desfile do batallón de alumnos pola Avenida de Ourense ás 12,30 horas do sábado 30 de maio.
A continuación, tras a finalización do desfile, haberá un concerto da Banda de Música da Escola Naval Militar na Praza de Rosalía de Castro.
Ademais, terán lugar unhas xornadas de portas abertas da Escola Naval, que incluirán visitas ao Simulador de Navegación, Planetario e Pañol Histórico, en horario de 10,00 a 13,00 horas os días 30 e 31 de maio.