A Deputación de Pontevedra impulsou ao longo deste pasado ano 2022 nove proxectos na cidade de Pontevedra.
A través de seis convenios asinados co Concello capitalino, leváronse a cabo as infraestruturas de servizo para a ampliación de Montecelo ou a rehabilitación interior da Casa do Concello, ambas as dúas en execución.
Tamén a reforma das vías de perímetro da praza de Barcelos, unha obra aínda sen comezar.
Ademáis a administración provincial impulsou na cidade do Lérez distintas actividades de saúde e lecer, ou de promoción da actividade física e do deporte.
E no último día do ano o Goberno local deu luz verde a outro investimento da Deputación, de 1,5 millóns de euros adicados á a renovación da iluminación pública na zona sur do centro urbano.
A esta listaxe habería que engadir outra a obras propias da Deputación que se desenrolan no municipio de Pontevedra. Así, a institución ten en marcha a rehabilitación do CEIP Daría González, na cidade infantil Príncipe Felipe, a recuperación ambiental da Xunqueira de Alba co traslado das dependencias propias do Parque de Maquinaria e da Imprenta Provincial e a musealización dixital do Palacete das Mendoza.