Foi, sen dúbida, o momento máis emocionante da noite. Concluída a cea, un total de 19 mozas (nada menos que oito máis que o ano pasado) celebraron a súa posta de longo, dando comezo ao baile de Gala organizado polo Liceo Casino nas súas instalacións do parque de verán que a sociedade ten na Caeira.
Resultou unha noite máxica para Ana Alonso Navarro, Isabel Álvarez Domínguez, Ana Alvear Rey, Candela del Campo Pérez, Fátima Cumbraos Reguera, Mercedes Domínguez del Campo, Ángela Fariña Izquierdo, Paula Fariña Martínez, Daniela Frieiro Gómez, Carmen Gallardo Framil, Olivia Gómez Seoane, María González Enríquez, Candela Hervés González, Cayetana Hervés González, Eugenia Matarranz Grande, Candela Otero Freire, Inés Ramírez Fayos, Alejandra Ramírez Núñez e Ana Vereterra Reguera.
As condutoras do evento chamaron unha a unha ás mozas que ocuparon a pista de baile, onde, tras ser recibidas polo presidente do Liceo Casino, Alejandro Regueiro, que lles fixo entrega dun obsequio conmemorativo da data, cumprían o ritual de "presentarse en sociedade" da man dos seus respectivos padriños.
A continuación, todos eles danzaron a ritmo dun moderno valls interpretado por Orquestra Chattanooga, na pista principal, para dar apertura a unha festa-baile con diferentes estilos distribuídos en varias pìstas.