Para esta edición Alberto Pazo propón unha primeira viaxe a Francia para coñecer o moito que se fixo no ámbito destas músicas marabillosas que configuran o universo do rock progresivo.
Nesta incursión conta con clásicos que transcenderon as súas fronteiras, como Ange, Pulsar ou Shylock.
Eses nomes comparten espazo con novas - e non tan novas - bandas de gran calidade: Xang, Nemo (non confundir co grupo do mesmo nome dos 70), Lazuli, Minimum Vtal ou XII Alfonso.
E como resumo, a súa conclusión: "eu creo que, si non os coñecedes, vanvos a sorprender gratamente. Que o gocedes".