Lola Fernández Pazos recupera para a súa segunda novela a unha das protagonistas do que foi o seu debut editorial, Lúa Cid máis 'El Pazo de Lourizán'.
En 'El secreto de La Perfección' compartirá protagonismo con outra muller, Elvira Fandiño, unha das primeiras traballadoras da conserveira de Bueu, La Perfección.
Un reiterado pesadelo leva a Lúa a investigar o por que dese mal soño. No obxectivo, que conecta pasado e presente, crúzase a vida de Elvira que emigra de Galicia a América en busca dun futuro máis próspero.
Falamos coa xornalista marinense sobre este segundo título no que combinou historia recente da península do Morrazo, homenaxe ás mulleres traballadoras das conserveiras, un recordo aos que viron na emigración a esperanza, ou a necesidade cara a un futuro máis próspero e tamén dose de misterio e de novela romántica.
A autora fai a súa primeira presentación este xoves 7 de marzo no Museo Municipal Manuel Torres de Marín a partir das 20.00 horas.
