Desta vez o Escaparate foi un dos convidados da Semana da Creatividade e da innovación que a Vicerreitoría da Universidade de Vigo organiza na súa sede, a Casa das Campás. No tempo da entrevista está connosco como representante da Vicerreitoría, Alberto Dafonte, que nos achega máis detalles sobre esta Semana da Creatividade e da Innovación; Carmen Rodríguez e María Boubeta, representantes da asociación estudiantil europea AEGEE. Na entrevista musical temos ao profesor de conservatorio, Arquímedes Artal, que coa súa música será tamén un dos protagonistas desta semana na Casa das Campás.
Alén diso e como en cada Escaparate debullamos a actualidade das RRSS nos nosos Chíos e cancelos e Iván Iglesias fará unha particular homenaxe a unha célebre “alumna”. Non o perdades!.