Temos uns cantos nomeamentos nesta edición de Os dez lanzamentos. Nomeamentos aos Premios da Música Independente que levan nomes de artistas e bandas da provincia e que ademais esta semana teñen novidades musicais. Unha sorprendente, a colaboración entre Bala e Tanxugueiras, 'Ouveo' forma parte do próximo novo álbum de Violeta Mosquera e Anxela Baltar que se publicará o 26 de abril. E tamén candidatos a varios premios Baiuca que, no que a novidades refire, vén con 'Alentejo'.
A lista desta semana tamén inclúe a For Your Information, Caracazador, Roteiro 57, a compostela Mariagrep, os vigueses Isius, As Faragullas, Xenebras, e Vetusta Morla que presentan dobre sinxelo.