A biblioteca pública de Pontevedra acollerá a partir do luns 3 de marzo a exposición Os Maragatos da porta de San Pedro, organizada polo Colectivo Egeria e a Fundación Pérez-Carro.

Esta exposición está composta por doce paneis en galego e castelán e unha vitrina con obxectos e documentos. Recolle un resumo da historia da familia Pérez-Carro, asentada en Lugo desde 1880, e o seu importante papel comercial e social na cidade durante 145 anos.

A mostra estivo aberta anteriormente na biblioteca provincial de Lugo, na biblioteca Ánxel Casal de Santiago de Compostela e na biblioteca Miguel González Garcés da Coruña. Durante o mes de marzo estará tamén na biblioteca pública de Ourense.

En Pontevedra poderá visitarse entre o 3 e o 17 de marzo. A inauguración será o luns 3 ás 13. 00 horas.

Os contidos da exposición están recollidos no catálogo que se entregará gratuítamente aos visitantes.

Biblioteca pública de Pontevedra

Máis eventos

Ver máis eventos