Un ano máis a exposición colectiva 'Do final e do comezo', reúne unha selección de proxectos artísticos resultado dun longo e intenso proceso de investigación e creación xermolado e construído na Facultade de Belas Artes de Pontevedra.

Realizados con motivo da última proba académica a superar, a presentación dos chamados TFG, representa o broche final dunha etapa de aprendizaxes, experimentacións e transformacións, para dar paso a novos camiños. Camiños múltiples, diversos e en constante movemento. Como se dun pequeno ruído visual se tratase, os seguintes pasos a dar tórnanse, emocionantes e inesperados.

Unha selección composta de 28 Proxectos Fin de Grao que reflicten os intereses e inquietudes de toda unha promoción. Conceptos e temas formulados a través dunha ampla diversidade de formatos, técnicas e procesos creativos. Atopándonos con creacións audiovisuais, esculturas, cerámicas, pinturas, pezas inmersivas, videoxogos, debuxos, fotografías, instalación…

Sala de Exposicións do Pazo da Cultura, Pontevedra

Máis eventos

Ver máis eventos