Primeiro día de competición na Gran Final das Series Mundiais de Pontevedra. Os encargados de estrear o programa competitivo foron este venres os participantes no Tríatlon Supersprint de Grupos de Idade.
Fixérono co percorrido máis curto da fin de semana, completando 300 metros de natación, 6,4 quilómetros de ciclismo e 1,6 quilómetros de carreira a pé, concentrado todo (salvo parte do ciclismo) na contorna da ponte de loa Tirantes e o Centro Galego de Tecnificación Deportiva.
Ata alí achegáronse tamén familiares e afeccionados para vivir en directo as primeiras carreiras dos campionatos.
En acción, deportistas desde os 15 anos de idade e ata os 86, e é que como curiosidade os dous triatletas máis lonxevos en competición foron a británica Judith Mackay e estadounidense John Charman, ambos os dous nados no ano 1937. Todo un exemplo de vitalidade.
Tamén había entre os participantes representación local, como a do incombustible Manuel Cruces 'Panoramix', un dos pioneiros do tríatlon pontevedrés e que competiu na categoría de 75-79 anos.
Todo no medio dun ambiente envexable, sen choiva nos climatolóxico, que serviu de aperitivo para o que está por chegar durante a fin de semana.