A 48 horas dun "día clave" en Galicia, Ciudadanos volveu reiterar que un voto ao PP permitirá un novo goberno de Alberto Núñez Feijóo con maioría absoluta, pero optar pola formación de Albert Rivera axudará a que haxa un partido que "controle" aos populares e "ponga encima de la mesa" estabilidade, reformas e "contundencia" contra a corrupción.
Así o explicou Ignacio Aguado, o portavoz de Ciudadanos na Asemblea de Madrid, que se sumou á campaña galega con varios actos na cidade de Pontevedra.
"Con pocos escaños podemos hacer lo mismo que en otras comunidades y es controlar al PP de la Gurtel, la Púnica y Baltar", destacou Aguado, que reiterou que cun voto a favor de Ciudadanos pódeselle poñer "coto" á corrupción e aos "chiringuitos políticos".
Neste sentido, o dirixente de Ciudadanos afirmou que "no hemos venido a ser la comparsa de nadie" e prometeu que serán "contundentes, exigentes y claros" en Galicia se son "decisivos" tras o 25-S.
Demóstrano, dixo, as trinta reformas presentadas en materia de rexeneración política e políticas económicas e sociais como novos plans de emprego, máis apoio aos autónomos, o mantemento da sanidade e a educación pública, a limitación dos mandatos a oito anos ou a decisión de non subir impostos en Galicia.
Todo iso "lo pondremos como condiciones" para que haxa goberno se o PP non logra revalidar a maioría absoluta.
Aguado tamén se referiu á situación política en España e pediu aos líderes do PP e do PSOE, Mariano Rajoy e Pedro Sánchez, que "reflexionen" sobre o bloqueo político que impide a formación de goberno, xa que "si PP y PSOE no se dan la mano, no habrá gobierno en España".
"Espero que Rajoy sea capaz de seducir al PSOE y más pronto que tarde tengamos un gobierno en España", dixo o portavoz de Ciudadanos na comunidade de Madrid.
Ignacio Aguado cualificou como "irresponsable" a estratexia daqueles que "apuestan todo a ver qué pasa" nas eleccións galegas e vascas do próximo domingo "antes de tomar decisiones" porque afirmou que son "cosas diferentes" que non deberían relacionarse.