Gozar dun deporte como o rugby e fomentar a súa práctica.
Era o obxectivo da xornada convocada este domingo en Xeve polo Mareantes Rugby Club.
No antigo campo de fútbol de San Andrés de Xeve, rehabilitado para acoller adestramentos do club pontevedrés, nenos e maiores pasárono en grande co primeiro Torneo de Rugby de Nadal.
Tratábase dun evento aberto alpúblico no que participaron case un cento de persoas, con xogadores desde os 4 aos 60 anos.
Formáronse catro equipos para disputar partidos de rugby 'touch', unha modalidade con contacto limitado para facelo apto a calquera idade.
Entre os participantes había mozos xogadores do Mareantes, pais e nais e tamén veteranos do rugby pontevedrés.
O importante non era o resultado, senón gozar do deporte do balón oval.
A xornada terminou ademais co tradicional terceiro tempo no local social do Mareantes, no centro histórico da cidade.