Estudantes dos institutos Sánchez Cantón, Valle-Inclán e do CEP Campolongo participaron este venres na segunda edición da Carreira Popular Intercentros, bautizada este ano como 'Percorrendo Pontevedra'.
Centos de alumnos botáronse á rúa para participar nunha proba organizada do IES Sánchez Cantón en colaboración co Grao Superior de formación profesional Técnico Superior en Ensino e animación Socio Deportiva TSEASD.
A carreira desenvolveuse nun circuíto que ocupou a Avenida Montero Ríos, a Alameda e o Parque das Palmeiras.
O obxectivo do día era promover a actividade física e o benestar entre os mozos ademais de ofrecer unha xornada lúdica ao aire libre e de convivencia ao estudantado pontevedrés.