Positivo inicio de tempada na Superdivisión Masculina para o Tenis de Mesa Monte Porreiro.
O conxunto pontevedrés arrancou a competición cun enfrontamento a domicilio fronte a Les Borges Vall catalán que superou con solvencia.
André Silva foi protagonista ao sumar dous puntos vencendo aos locais Marc Durán e Joan Masip, mentres que Miguel Ángel Vílchez e Martín Betancor tamén venceron os seus partidos fronte aos mesmo rivais para certificar o triunfo por 2-4.
De nada valéronlle ao Borges os puntos sumados Norbert Tauler coas súas vitorias sobre Bentancor e Vílchez.
Unha estrea convicante para o equipo adestrado por Nando Álvarez que se coloca tras a primeira xornada de liga na máxima categoría no cuarto posto.
Tras este encontro, o seu primeiro enfrontamento como local do curso mediralle o vindeiro domingo 6 de outubro en Príncipe Felipe ao CTT Olot.