A Primeira División de fútbol sala, tanto masculina como feminina, ofrecerá esta próxima tempada todos os seus partidos en directo a través da recentemente creada FEF TV.
Isto supón que poderán seguirse en directo, a través da plataforma, todos os partidos de liga tanto do Poio Pescamar como do Marín Futsal, tanto na liga regular como nun eventual play-off polo título.
Esta plataforma, pertencente á empresa ATM Boradcast e que se vende como a Televisión do Fútbol Español Federado (FEF TV), fíxose ademais cos dereitos de emisión da Primeira Federación do fútbol masculino.
Todos os encontros, aseguran, emitiranse en directo e en calidade HD.
En canto ao custo, FEF TV ofrecerá a opción de abonarse por un pago único por tempada de 99 euros ou cun plan mensual de 12,99 euros ao mes que inclúe 7 días gratuítos de proba.
A plataforma www.feftv.com estará dispoñible desde o mércores día 23 de agosto en versión web, estando previsto que nas próximas semanas se habiliten aplicacións móbiles e de Smart TV.