O Poio Pescamar e o Marín Futsal xa coñecen que camiño lles espera a próxima tempada na máxima categoría, a agora denominada Primeira Federación Futsal Feminina.
O sorteo de competición realizado pola Real Federación Española de Fútbol deparou unha estrea na casa para o conxunto conserveiro, que o 10 de setembro recibirá no pavillón da Seca ao Joventut d'Elx, mentres que o Marín Futsal debutará a domicilio visitando a pista do Sala Zaragoza.
Estos son los partidos de la primera y última jornada de la Primera Federación Futsal Femenina.
— Fútbol Sala RFEF (@FutSalRFEF) August 3, 2022
¡¡YA QUEDA MUY POCO!! pic.twitter.com/pCb53jS6UV
Unha semana despois o Poio Pescamar acomenterá un dos desprazamentos máis complicados da tempada ao visitar ao actual campión de liga, o Futsi Atlético Navalcarnero, mentres que os da Raña vivirán o seu primeiro partido na casa recibindo o Leganés.
No que respecta a os duelos de rivalidade comarcal, terán lugar na penúltima xornada de cada unha das voltas, primeiro en Poio (7 de xaneiro) e por último en Marín (20 de maio).
A competición regular finalizará só unha semana despois, o 27 de maio, co Poio Pescamar recibindo o Burela Pescados Rubén e o equipo marinense viaxando á pista do Rayo Majadahonda.
Consulta aquí o calendario completo da tempada 22-23 na Primeira Federación Futsal Feminina.