A Sociedad Gimnástica pon en marcha un ano máis o seu Circuíto de Atletismo en Pista.
Co apoio do Concello de Pontevedra a entidade deportiva expón o circuíto como unha oportunidade para que os atletas galegos se poñan a proba e aumenten o seu ritmo de competición de cara aos campionatos autonómicos e nacionais.
Farao por segundo ano consecutivo con seis eventos previstos nas instalacións do Centro Galego de Tecnificación Deportiva.
Todo eles entre os meses de abril e de xullo abertos a todo o atletismo galego e especialmente aos clubs da provincia de Pontevedra.
A primeira cita do calendario terá lugar o mércores 9 de abril co II Control da Escola de Atletismo da Sociedad Gimnástica.
Despois organizaranse eventos como o LI Trofeo Boa Vila (7 de maio), o XLIX Trofeo Sociedad Gimnástica de Pontevedra (28 de maio), o XXX Trofeo Cidade de Pontevedra (11 de xuño), o XXVI Memorial Celso Mariño (9 de jullio) e o XLIX Trofeo Virxe Peregrina (18 de xullo).