Só tres partidos máis lle restan por xogar ao Pontevedra Club de Fútbol no seu feudo, o Estadio Municipal de Pasarón. Unhas xornadas que se presumen ademais decisivas para tentar pechar o ascenso a Primeira RFEF.
A primeira delas vivirase este mesmo domingo 6 de abril coa visita da UD Llanera, actual décimo terceiro clasificado, ás 17.00 horas.
Con motivo deste encontro e para tratar de incentivar a asistencia a Pasarón, o club granate activou unha promoción da que poderán beneficiarse os seus abonados.
En concreto cada socio poderá retirar unha invitación de balde para un acompañante, para a súa mesma bancada, de cara a este partido.
A promoción é só aplicable nas oficinas de Pasarón ou a través da venda online.
ENTRADAS 🎟️ | Xa á venda as entradas para a primeira dás 5 finais que quedan para acadar ou obxectivo ⚔️🔥
— Pontevedra CF 🦴 (
♥️ Vos rapaces de ata 17 anos poden conseguir a súa entrada por 5€ en Preferencia
➡️ Cada abonado pode retirar unha invitsción para un acompañante #NonPararAtaVoltar ♥️ pic.twitter.com/8Fgxo3gUXYPontevedraCFSAD) April 1, 2025
En canto ao resto de localidades, os prezos mantéñense sen cambios importantes, con entradas para o público adulto cun custo de 12 euros nos fondos, 15 euros en Preferencia e 20 euros en Tribuna.
Os xuvenís pola súa banda 10 euros en fondos e 15 en Tribuna, pero poderán acceder a Preferencia por só 5 euros.
A entrada ao estadio seguirá sendo gratuíta para os menores de 6 anos, do mesmo xeito que no resto de partidos de liga da presente tempada.