O salón do actos do edificio administrativo da Xunta de Galicia en Benito Corbal foi escenario este mércores da presentación oficial do primeiro plantel da SD Teucro para a tempada 24-25.
Trátase ademais dun ano especial para o vicedecano do balonmán nacional, xa que cumpre 80 anos de vida.
Faio militando por terceira campaña consecutiva en Primeira Nacional pero coa esperanza de que, tras quedar o curso pasado ao bordo da fase de ascenso, este novo ano sexa o do seu rexurdir.
Dirixido de novo por Irene Vilaboa, os xogadores foron presentados un a un nun acto conducido polo xornalista Ángel Magdaleno e en que o club azul estivo arroupado, entre outros, polo vicepresidente da Deputación, Rafa Domínguez, e a concelleira de Deportes, Anabel Gulías.
A liga de Primeira Nacional empezará para o Teucro xa esta próxima fin de semana, o sábado 21 de setembro, recibindo no Pavillón Municipal dos Deportes (20.00 horas) o Calvo Xiria.