Esta fin de semana, Pontevedra acollerá as finais xuvenil e infantil do campionato Xunta de Galicia de Voleibol, unha competición que coloca a localidade pontevedresa como punto central do voleibol a nivel galego.
A competición terá lugar no pavillón da Xunqueira o sábado 5 e domingo 6 de abril, comezando o primeiro día coa categoría xuvenil e o segundo coa infantil.
Nela participarán os catro mellores equipos das ligas regulares de toda Galicia, tanto na categoríafeminina como masculina, xogando dúas semifinais en paralelo que comezarán ás 12:00 horas do mediodía.
Pola tarde, de 17:00 a 19:00 horas, os equipos competirán polo segundo posto no campionato, e tras rematar, ás 19:00 horas, darase paso á final de cada categoría.
Despois das competicións pola clasificación, ambas xornadas finalizarán coa entrega de premios aos campións.
A concelleira de Deporte Anabel Gulías presentou o torneo este 2 de abril, nun acto no que estiveron presentes o presidente da Federación Galega de Voleibol Jose Ángel Luna e a presidenta e entrenadora do Club de Voleibol de Pontevedra (CVP) Patricia Valcárcel Pérez.
Valcárcel explicou que, aínda que o club non está clasificado na final, participará no evento con labores de voluntariado.
Pola súa parte, Jose Ángel Luna destacou o papel do voleibol como o terceiro deporte de equipo máis practicado do mundo, soamente superado polo fúbol e a natación.
Ademais, o presidente da Federación Galega de Voleibol insistiu na importancia da maioría feminina na práctica deste deporte, posuíndo as mulleres un 75% das licencias federativas de voleibol.
