Pontevedra clausurou este domingo un Campionato do Mundo U20 histórico no que a loita olímpica española fixo historia ao realizar unha das súas mellores actuacións dos últimos anos nun Mundial.
De feito, a Selección despediuse da Boa Vila con cinco vitorias: tres de Carla Jaume, unha de María Cazalla e a última este pasado venres de Felipe Ferrusola, todas elas na modalidade de libre olímpica. Jaume, ademais, colgouse a medalla de prata.
En relación aos últimos representantes españois, Marc Arias, da federación balear, non puido superar ao exipcio Mahmoud na primeira rolda e caeu por 5-1. Mahmoud, perdeu contra un rival kazako e privou a Arias dunha segunda oportunidade no torneo.
Fabricio Reyes, pola súa banda, estivo preto de asegurar o seu pase ás repescas. O madrileño loitou contra o armenio Gevorgyan, pero caeu por 5-3. Gevorgyan, eliminado pouco despois por outro competidor kazako, tamén pechou as portas a Reyes.
Azael García, no seu enfrontamento contra o indio Sachin, defendeuse con firmeza pero non logrou executar ataques efectivos, caendo 5-0. Sachin, eliminado en oitavos por un rival estadounidense, tamén impediu a repesca de García.
O último representante español, Mykola Tolmachov, debutaba neste torneo coa selección, pero non puido superar ao ucraíno Kuzmenko Taison e perdeu con claridade (10-0). Taison, eliminado pouco despois en cuartos de final, selou o final da participación española no campionato.
Ás vitorias de Carla Jaume, María Cazalla e Felipe Ferrusola puidéronse sumar as de David Díaz, en greco; Yasmín Alonso e Fabricio Reyes, ambos en libre; que a rozaron.