O Poio Pescamar arrincou o ano, e a segunda volta, rascando un punto na súa visita ao Alcantarilla.
O equipo vermello dispuxo da maior parte de ocasións, pero a porteira e a férrea defensa local impedíronlle levar o tres puntos.
A primeira oportunidade clara do encontro chegou no minuto catro por medio de Melli, pero o seu disparo o detivo Elena evitando así o primeiro tanto rival.
Con todo, a insistencia do Alcantarilla tivo a súa recompensa só un minuto máis tarde, cando Pao, cun potente lanzamento de falta directa, inaugurou o marcador.
O Poio Pescamar tentou reaccionar, pero topouse cunha sólida defensa e unha Irene moi atenta baixo paus, quen se encargou de repeler a dobre ocasión de Ale de Paz e o remate de Rocío Molina de cabeza, evitando así o gol rival e enviando o partido ao descanso cun resultado de 1-0.
Despois do paso polos vestiarios, o conxunto vermello envorcouse por completo en tarefas ofensivas, monopolizando as ocasións e tratando de bater á gardameta rival.
No minuto 26, un disparo de Candela obrigou a Irene a enviar o balón a córner e, un minuto máis tarde, volveu aparecer cunha gran intervención ante un disparo de Chuli.
Pasada a media hora de xogo e tras a insistencia do Poio, por fin chegou a recompensa. Corría o minuto 32 e Elena Aragón sacou rápido de banda, enviou o esférico a Chuli e esta empatou o enfrontamento.
Coa barreira do gol xa rota, o equipo visitante buscou o segundo tanto, pero a pesar das numerosas ocasións claras que tivo para porse por diante, a falta de puntaría e as intervencións da gardameta rival impedírono.
Entrou entón o encontro nos últimos cinco minutos e os dous conxuntos buscaron desequilibrar o encontro co xogo de cinco, o Alcantarilla con Bet como porteira xogadora e o Poio con Chuli.
Con todo, foron as de López-Tulla as que dispuxeron das ocasións máis claras para levar o tres puntos. Primeiro Candela, no minuto 37, pero o seu disparo non atopou portaría, e despois Ale de Paz cun potente chute que se marchou rozando o poste.
Nos últimos minutos, o Poio Pescamar dispuxo doutras dúas claras accións de perigo, pero finalmente o marcador non se moveu e ambos os equipos tiveron que conformarse cun punto.
Consulta a acta neste enlace