A dúas semanas para o inicio da liga na División de Honra Prata o Club Cisne Balonmán dá por pechado o seu plantel.
Faino tras concretar a cuarta incorporación do verán, coa fichaxe do lateral esquerdo portugués Nuno Pando.
O xogador luso procede do ABC Braga do seu país, co que a pasada campaña disputou competición europea.
Pando únese como reforzo aos xa confirmados de Iago Costas (Zamora), Dani Virulegio (Villa de Aranda) e o gardameta chileno Francisco Latorre (MET Handball).
Tras esta novidade o Cisne céntrase xa na preparación da primeira xornada de liga, na que se medirá o 14 de setembro (19.00 horas) ao Trops Málaga no pavillón de Príncipe Felipe.