Bonita xornada de atletismo a celebrada na tarde-noite do mércores nas pistas do Centro Galego de Tecnificación Deportiva.
As instalacións pontevedresas acolleron o Trofeo Sociedad Gimnástica coa participación de máis de 200 atletas.
As boas condicións climatolóxicas favoreceron a que moitos deportistas lograsen superar os seus mellores rexistros.
O gañador do trofeo en categoría masculina foi Isaac Vicente, atleta do Marathon madrileño, que mellorou a súa marca persoal da tempada con 67,69 metros, mentres en categoría feminina Laura Chapela (Celta), tamén fixo marca persoal da tempada con 12.62 no hectómetro.
Ademais o club organizador, a Gimnástica, conseguiu 12 vitorias parciais, obra de Antón Martínez (80 metros), Ángel Vargas (400 metros), Marco Martínez (altura), David Ferrer (lonxitude), Pedro Santos (xavelina infantil), o 4x400 masculino, Rocío Rodríguez (800 metros), Lucía Cardesín (1.000 metros), Inés Martínez (100 metros), Clara Gil (pértega), Ángeles Filgueira (xavelina veterana) e o relevo 4x100 feminino.