deportes

O Team Farto vístese de Galicia para a súa estrea como equipo profesional UCI Continental Feminino

Pontevedra
26 de xaneiro 2021
PontevedraViva

O conxunto pontevedrés seguirá lucindo as súas tradicionais cores laranxa e negro no resto dos seus equipos, pero para a escuadra feminina adopta unha imaxe máis galega, co brando e o azul como cores principais 

Nova camisola do Team Farto para o seu equipo UCI Continental Feminino
Nova camisola do Team Farto para o seu equipo UCI Continental Feminino / Team Farto - BTC

Cambio de 'pel' para o Team Farto para a súa estrea como primeiro equipo galego profesional feminino.

Facendo honra a ese detalle o conxunto pontevedrés debutará na categoría UCI Continental Feminina con novas cores como homenaxe a Galicia, e é que adoptará o branco e o azul como cores principais, con detalles en negro.

A roupa de competición e adestramento será da marca Verge Sport, unha firma estadounidense con fabricación europea e presenza internacional.

"Cambio de categoría, cambio de colores. Un toque de nuestra tierra para celebrar que somos el primer equipo UCI femenino de la historia de Galicia", comentou respecto diso o director xeral do Farto, Brais Dacal, a través das súas redes sociais.

O cambio de cores será efectivo soamente a formación feminina, xa que o resto dos equipos do club, desde o elite/ sub23 masculino ás categorías inferiores, manterán o laranxa e o negro que caracterizan o Farto desde a súa fundación.

Máis novidades