A natación sincronizada foi a protagonista da fin de semana no Complexo Deportivo Rías do Sur, coa disputa durante sábado e domingo do Campionato Galego de Nivel de Verán.
No cómputo de ambas as dúas xornadas, o mellor club dos participantes foi o Sincro Pontevedra, sumando os resultados das categorías alevín, infantil e xuvenil.
Segundo na clasificación xeral foi o RCN Vigo e terceiro o Sincro Ourense.
O cuarto posto foi para o Galaico Sincro de Pontevedra, que conseguiu unha cifra importante de medallas, seguido por Portamiña, Rías Baixas, Sincro Ferrol, Oleiros e Sincro Obradoiro.
A competición autonómica ten continuación este luns no Casino Mercantil, en Mourente, coa celebración do VII Trofeo Concello de Pontevedra, no que se inscribiron seis clubs de Galicia.