O pontevedrés Alejandro Muñiz será o cuarto árbitro na final da Copa do Rei

Pontevedra

02 de abril 2024

Actualizado: 30 de setembro

O colexiado pontevedrés, que esta tempada estrea categoría de internacional, vén de dirixir ademais o seu primeiro gran encontro de seleccións absolutas como árbitro principal, no recente encontro disputado entre Colombia e Romanía no Estadio Metropolitano de Madrid

Alejandro Muñiz, revisando a pantalla do VAR nun partido entre Valencia e Almería en Mestalla

A arbitraxe pontevedresa estará representada na final da Copa do Rei, que este próximo sábado 6 de abril (22.00 horas) disputarán Athletic Club e Real Mallorca no estadio sevillano da Cartuxa.

Será a través de Alejandro Muñiz Ruiz, colexiado do CTA de Pontevedra que foi escollido como cuarto árbitro da final.

O encontro será dirixido polo andaluz José Luis Munuera Montero, co apoio no videoarbitraje Eduardo Prieto Iglesias.

| Estos son los colegiados designados para dirigir la final de la #CopaDelRey.

Árbitro principal | José Luis Munuera Montero
VAR | Eduardo Prieto Iglesias

https://t.co/OnXGqlHHcN #ArbitrajeRFEF | @CTARFEF | #LaCopaMola pic.twitter.com/LfO91tQ2X9
— RFEF (@rfef) April 2, 2024

En canto a Muñiz Ruiz, esta campaña está a estrear a súa categoría de árbitro internacional FIFA, e de feito vén de debutar como colexiado principal nun gran encontro de seleccións nacionais absolutas, o disputado o pasado 26 de marzo no Estadio Metropolitano de Madrid entre os equipos de Colombia e Romanía.

Máis novidades