A falta de 15 días para o encontro, e aínda con dous partidos decisivos antes por afrontar, o Pontevedra Club de Fútbol publicou este venres o prezo das entradas para a última xornada de competición, coa visita do Real Club Deportivo ao Estadio Municipal de Pasarón (sábado 17 de maio).
O duelo, que pode resultar decisivo para ambos os dous equipos, terá o prezo dos billetes máis elevado da tempada, e venda preferente para os abonados da entidade granate.
Segundo explica o club pontevedrés, a venda de localidades activarase tanto en liña como a oficina de Pasarón o vindeiro luns 15 de maio, pero farao en exclusiva para o seu abonados ata o día 18 de maio. Os socios granates, cuxo acceso ao choque está incluído no carné da tempada, poderán retirar unha entrada para acompañantes con 5 euros de bonificación e outra máis ao prezo normal.
A tarifa fixada para o derbi é de 30 euros para a bancada de Tribuna, 25 euros para Preferencia e 20 euros para ambos os fondos, sendo o da bancada de Sur o espazo inicialmente destinado á afección visitante.
Será así tanto para o púbico adulto como para os menores de idade, cos que nesta ocasión non se fai distinción.
O resto do público, incluída a afección visitante a maiores das 900 entradas enviadas ao Deportivo para a súa venda directa na Coruña, poderá acceder á venda para partir do día 19 de maio.
ENTRADAS PONTEVEDRA CF - RC DEPORTIVO
— Pontevedra CF (@PontevedraCFSAD) May 12, 2023
A partir do luns ábrese a venda exclusiva a abonados do Pontevedra CF para o último partido da tempada ante o @RCDeportivo
Ata o mércores poderán retirar unha entrada a prezo reducido e outra a prezo xeral pic.twitter.com/n692uufeOV