O decisivo derbi do próximo domingo 21 (17.00 horas) entre Pontevedra e Ourense CF xogarase tamén nas bancadas do Estadio Municipal de Pasarón.
Ademais de esperarse, de longo, a mellor entrada da tempada ante a expectación xerada entre a inchada pontevedresa, a afección visitante tamén estará representada a beiras do Lérez.
O club granate enviou ao seu rival 300 entradas para o choque, ampliando un primeiro paquete de localidades que se vendeu con rapidez entre os seguidores ourensanistas.
Por iso polo menos dous autocares viaxarán desde a Cidade das Burgas para apoiar o seu equipo.
A afección do Ourense CF estará situada na zona superior do Fondo Sur.