Por terceiro ano consecutivo Pontevedra terá presenza no calendario do ciclismo nacional grazas ao Gran Premio Cidade de Pontevedra de ciclismo feminino.
O evento mantense dentro do calendario da Copa de España Féminas, segundo aprobou a Comisión Delegada da Real Federación Española de Ciclismo.
Será de feito en 2023 a segunda cita puntuable do certame, prevista para o día 26 de marzo.
Antes disputarase o 19 de marzo o Gran Premio Igartza en Beasáin (Gipuzkoa). Ademais completan a Copa de España Féminas en Estrada o VII Trofeo Ciclismo Feminino Villa de Noja en Cantabria (2 de abril), o III G.P. Villaquilambre en León (22 de abril), o III Trofeo del Bajo Andarax en Almería (29 de abril), o V Tº Femenino Ayuntamiento de Estella en Navarra (3-4 de xuño) e o 3º Trofeu de Ciclisme Femeni 'Classica de l'Arros' en Valencia (18 de xuño).
Na súa última edición o Gran Premio Cidade de Pontevedra contou con máis de 400 ciclistas entre as súas diferentes categorías e unha percorrido na súa proba absoluta de 99 quilómetros en forma de circuíto ata Marín con ata seis pasos pola liña de meta situada en As Corvaceiras e un punto clave, o Alto da Porteliña.