Ávila foi escenario a fin de semana da primeira xornada da Liga Nacional e a liga Iberdrola Infantil de karate, e alí estaba a Escola de Karate Gimsport de Pontevedra.
O club pontevedrés aproveitou a cita para acumular experiencia en competición, participando con cinco deportistas.
Na liga Nacional competiron en total máis de 1.200 deportistas chegados desde todos os puntos da xeografía nacional.
Durante a xornada de sábado Mateo Quintás García avanzou ata os cuartos de final da súa categoría asinando un sétimo posto na categoría de kata infantil. Ademais participaron Borja González e Álvaro Sánchez.
Polo seu oarte o domingo entraron en acción Ariadna Álvarez na categoría de kata alevín, caendo en cuartos de final, e Vera Quintás que competiu en kata benxamín.