A planificación do plantel para a nova tempada vai vento en popa para o Pontevedra CF. Tras anunciar o regreso de Edu Sousa e o ascenso ao primeiro equipo de Manu Vizoso, o conxunto granate confirmou a fichaxe de Mario Gómez.
Procedente do Hércules, o defensa sevillano chegou a Alacante no mes de xaneiro para reforzar a zaga e converterse en titular indiscutible, disputando un total de 16 partidos. Destaca especialmente por medir máis de 1,90 metros de altura.
O central de 28 anos competiu durante oito tempadas no terceiro chanzo do fútbol español, onde disputou máis de 200 partidos.
Formouse na base do Recreativo de Huelva, para posteriormente pasar polo Real Jaén, Valladolid Promesas, Balompédica Linense, CD Don Benito, o CD Calahorra e o Unionistas de Salamanca, desde onde deu o salto ao Hércules.
Mario Gómez asina por unha tempada co Pontevedra CF e convértese na quinta fichaxe do cadro granate.