A Fase Final da liga Galega de Clubs celebrouse no Centro Galego de Tecnificación Deportiva cun resultado positivo para o Club Bádminton Ravachol Pontevedra.
O equipo feminino dos pontevedreses subiuse ao podio ao concluír na segunda posición despois dun último enfrontamento polo título ante o Athol de Ourense, chegando ambos os empatados a puntos.
Tras as vitorias individuais de Raquel Miguens, a clave estivo no dobres, onde despois dun igualadísimo partido as xogadoras ourensás levaron a vitoria final e o título. O terceiro posto levouno o Club do Mar da Coruña.
Pola súa banda o conxunto masculino do Ravachol Pontevedra finalizou na cuarta posición na liga de Segunda División. Na Primeira, o Club Bádminton A Estrada revalidou o título.
A nota negativa chegou na categoría de veteranos, pola grave lesión dun dos xogadores locais que sufriu unha rotura do tendón de aquiles.