O Arosa SC puxo á venda as camisetas para a nova tempada a través da súa páxina web.
Tanto a primeira como a segunda equipación, en todas as súas medidas, están dispoñibles a un prezo de 35 euros.
É posible incorporar dorsal e nome a través da cesta da compra en liña. Trátase dun produto baixo pedido con estimación de entrega de 20 días.
En xullo, o club puxera en marcha unha enquisa para decidir o deseño da equipación e a proposta gañadora ofrece mangas de cor azul nos remates da primeira equipación.
No apartado deportivo, o sábado 3 de agosto, ás 20:30 horas, o estadio municipal de A Lomba acollerá o encontro entre o Arosa SC e o Alondras CF correspondente á Copa Federación.
As entradas para o público están a un prezo de 10 euros e os socios terán acceso gratis.