O VII Rallye de Pontevedra quece motores coa publicación do regulamento da proba, quinta cita puntuable da tempada no Campionato Galego de Rallyes 2025.
A competición automobilística organizada pola Escudería Congostra Team Sanxenxo foi o pasado curso a mellor valorada da tempada pola Federación Galega, e co obxectivo de manter o seu gran nivel se reinventa para a súa nova edición.
Sanxenxo mantense como cuartel xeral do rallye. Alí estará situado o parque pechado e de traballo, celebrarase a cerimonia de saída, levarán a cabo os reagrupamientos e tamén a entrega de premios. Con todo serán moitos os cambios.
Para evitar caer na monotonía a organización decidiu darlle unha volta á carreira, na que só repetirá un dos tramos da pasada edición, o que transcorre por Cerdedo-Cotobade. O resto discorrerán por novos trazados que serán desvelados nos días antes da competición.
Ademais prescíndese tamén do tramo espectáculo que se celebraba o venres no parque empresarial de Nantes, levando a actividade ao centro da localidade cunha cerimonia de saída que se pretende potenciar. "Apetecíanos facer un pequeno cambio e atraer os afeccionados ao centro de Sanxenxo", recoñece Diego Besada desde a Escudería Congostra Team.
En canto ao resto de tramos, unha das grandes novidades será que un deles trasncurrirá en gran medida por Sanxenxo para finalizar en Meaño, con algo máis de 16 quilómetros.
Os demais terán como escenarios os concellos de Moraña e Barro.
Serán en total catro tramos, con dobre pasada cronometrada para todos os participantes ao longo dunha maratoniana xornada, prevista para o sábado 7 de xuño.
Unha volta a un Rallye de Pontevedra que segue a prometer espectáculo para os amantes do motor, e é que "sempre queremos superarnos", afirman desde a organización.