Fernando Martínez Perales "Nando" xa non é adestrador do Pontevedra. A derrota do domingo ante o Laracha precipitou a súa marcha. Aínda que a súa dimisión transcendeu este martes trala xuntanza que mantivo co director deportivo do club, Milo Abelleira, o propio Nando confirmou en rolda de prensa que a decisión tomouna "en cuanto salí del vestuario", tralo tenso encontro co plantel en Príncipe Felipe.
"Lo que más me ha molestado es que no confiaban en el cuerpo técnico", confirmou o xa ex adestrador do Pontevedra sobre os seus xogadores, aínda que a pesar diso se sinala como o primeiro responsable da irregular marcha do equipo.
O técnico valenciano fixo referencia na súa argumentación ás declaracións que efectuou despois das derrotas ligueiras ante Villalbés ou Arosa, nas que pedía un maior compromiso e actitude aos seus futbolistas. O derradeiro episodio en Laracha precipitou a situación: "aquí hay una exigencia y yo me la había tomado a lo mejor muy a pecho y ellos se han sentido como culpables cuando he querido hacer alguna declaración, no era mi intención porque el primer responsable era yo".
Nando: "Ayer algún jugador me abrió los ojos, esto tenía que haber pasado antes"
Nando asegurou que "no puedo sentirme como fracasado", pero entende que fallou porque "a lo mejor no he sabido transmitirles, he sido muy crítico con ellos en algunas circunstancias pero yo tengo esa forma de ser y no puedo renunciar a ello".
O xa ex-preparador granate defende que lle tivese gustado que "esto pasase antes para poder corregirlo", pero asegura marchar "con la conciencia tranquila".
Na rolda de prensa ofrecida polo técnico estaba presente tamén o director deportivo do club, Milo Abelleira, quen pediu paciencia ante a identidade da persoa que se faga cargo do equipo: "el Consejo me dirá los pasos a seguir, de momento ni busqué nada ni sé nada de otros entrenadores".
Nesa terna de candidatos non estará o propio Abelleira, despois de que o presidente granate, José Manuel Fernández, o descartase: "Abelleira es tiempo pasado en el Pontevedra, tiene una responsabilidad enorme con la coordinación del fútbol base y la dirección deportiva, es un papel fundamental y es su trabajo y responsabilidad".
Nando despedirase do plantel no adestramento deste mércores, fixado inicialmente nas instalacións de Príncipe Felipe. Polo momento, o club non ten decidido quen se fará cargo do equipo ata encontrar un substituto para o adestrador valenciano.
O Consello de Administración do Pontevedra CF reunirase esta tarde, entre outros asuntos, para tratar este relevo.