A arousá Mari Paz Vilas foi a gran protagonista da IV Gala do Fútbol Feminino Galego celebrada este venres no auditorio de Ribadumia.
A gala, organizada pola Revista do Fútbol Feminino Galego coa colaboración de Concello de Ribadumia e Deputación de Pontevedra, reuniu a máis de 300 persoas.
Mari Paz Vilas, que milita actualmente no Valencia, recibiu de mans do alcalde, David Castro, o premio á mellor xogadora galega, e ademais levou o recoñecemento ao mellor gol da pasada tempada, un tanto de chilena conseguido no choque que enfrontou ao seu equipo co Athletic Club.
Xunto Vilas reinou a redondelana Pauleta ao adxudicarse o premio de mellor promesa, mellor mediocentro destra do grupo I da Segunda española e mellor galega da categoría.
A relación de premios foi:
- Mellor xogadora: Mari Paz Vilas (Valencia CF)
- Mellor técnico: Diego Fernández (Orzán SD)
- Mellor colexiada: Tania Fente (Delegación de Lugo)
- Mellor equipo: El Olivo de Vigo
- Mellor gol: Mari Paz Vilas (Valencia CF)
- Equipos máis deportivos: CD Conxo e Orzán SD
- Mellor promesa: Paula Domínguez 'Pauleta'
- Premio a unha traxectoria: María Ángeles Olmo 'Geli'