deportes

Máis de medio milleiro de granates apúntanse ao derbi en Riazor

Pontevedra
17 de setembro 2022
Diego Espiño

O Pontevedra pechou o período habilitado de venda de entradas para o derbi deste domingo na Coruña con 530 billetes vendidos, cifra á que se sumarán afeccionados que conseguiron o seu pola súa conta

Bancada de Pasarón no partido de liga entre Pontevedra e Salamanca CF UDS
Bancada de Pasarón no partido de liga entre Pontevedra e Salamanca CF UDS / Cristina Saiz

A afección do Pontevedra Club de Fútbol respondeu, e de que maneira, e desprazarase en masa ao derbi deste domingo na Coruña (19.00 horas) contra o Real Club Deportivo.

O club granate pechou o período habilitado para aquirir entradas nas oficinas de Pasarón con 530 billetes vendidos.

A esta cifra súmanse os seguidores que adquiriron a súa entrada directamente na plataforma de venda do Deportivo, e que fai pensar nun apoio aínda maior nas bancadas de Riazor.

A 'Marea Granate' puxo da súa parte, á espera de que agora os xogadores respondan cun resultado positivo nun duelo de dificultade máxima.

Máis novidades