Cambio no banco do Villalonga FC de Terceira RFEF.
Luciano González Groba, técnico que comandou a pasada campaña o equipo celeste que logrou de maneira brillante o ascenso, pechou a súa etapa cos de San Pedro.
O detonante da dura decisión foi o empate sen goles deste domingo fronte ao Arteixo, último clasificado, e é que os resultados foron unha laxa para o preparador.
No seu regreso a Terceira RFEF, o Villalonga arrincou a liga cun só triunfo no dez primeiras xornadas, o que o que deixa en penúltima posición con 6 puntos.
"A xunta directiva do Villalonga, reunida hoxe domingo 10 de novembro, decidiu que Luciano González González Groba deixe de ser adestrador do primeiro equipo", sinalou nun comunicado a entidade celeste agradecendo "o traballo realizado e os logros acadados" na súa etapa como adestrador do primeiro plantel e "desexándolle a mellor das sortes no seu futuro".
⚪️ 𝐂𝐎𝐌𝐔𝐍𝐈𝐂𝐀𝐃𝐎 𝐎𝐅𝐈𝐂𝐈𝐀𝐋 🔵 pic.twitter.com/WueqIASFGK
— Villalonga FC (VillalongaFC) November 10, 2024
A actual era a terceira campaña consecutiva de Luciano co Villalonga, destacando o primeiro posto logrado en Preferente que supuxo o ascenso a Terceira RFEF, así como a consecución da Copa Deputación.
Agora o Villalonga deberá buscar novo técnico para tentar dar un xiro aos resultados e achegarse ao obxectivo da permanencia.
O seu próximo partido de liga será ademais un duelo de rivalidade comarcal, xa que na próxima xornada recibirán o Arosa no Estadio de San Pedro.