Coa tempada 2025 xa ao virar a esquina, Jéssica Bouzas puxo rumbo ás antípodas para preparar o inicio de 2025.
No horizonte da arousá, que arrincará 2025 como número 54 do mundo, está a súa primeira participación no cadro final do Open de Australia, ao que está xa clasificada directamente por ranking.
Antes, e para ir collendo ritmo de competición, Bouzas participará na United Cup, que se disputa nas cidade australianas de Perth e Sydney.
Jéssica foi confirmada como parte do equipo español que tomará parte neste torneo de seleccións, no que España compartirá grupo con Casaquistán e Grecia.
A United Cup, con 18 equipos en liza, comezará o 27 de decembro e prolongarase ata o 5 de xaneiro.
Para España farao cunha fase inicial en Perth, mentres que se avanza cuartos de final deberá trasladarse a Sydney.
Ademais da pontevedresa, o equipo de España no torneo formarano Pablo Carreño, Marina Bassols, Sergio Martos, Yvonne Cavallé-Reimers e Carlos Taberner.
No que respecta ao Open de Australia, primeiro grand slam do ano, está previsto que comece o domingo 12 de xaneiro.