Os irmáns Chamosa conquistan San Pedro del Pinatar cun ouro e un bronce no Nacional de Marcha

Os irmáns Chamosa seguen pisando forte alá por onde van.

Antía alzouse coa medalla de ouro e o seu irmán Daniel co bronce no Nacional de 20 quilómetros marcha que se disputou na localidade murciana de San Pedro del Pinatar.

A atleta pontevedresa dominou a proba desde os primeiros quilómetros, deixando atrás a Paula Juánrez e Raquel González, quen foron incapaces de seguirlle o ritmo.

Cun tempo de 1:27:55, a deportista da Sociedad Gimnástica superou en máis de dous minutos a Juánrez (1:30:05) e en case catro a González (1:31:20), unha marca que lle outorga o billete para o Campionato do Mundo de Tokio, que se celebrará en setembro.

Este rexistro supón o mellor tempo galego da historia, quinta mellor marca mundial do ano e líder europea do ano.

Podio #CEmarcha 2️⃣0️⃣km 🚺

🥇Antía Chamosa ⏱️ 1:27:55
🥈Paula Juánrez ⏱️ 1:30:05
🥉Raquel González ⏱️ 1:31:20

📊 https://t.co/drAGRmZY9J
📺 LaLigaPluspic.twitter.com/uPlG0VPv4s

— atletismoRFEA (atletismoRFEA) March 30, 2025

E aínda por riba, o seu irmán Daniel fíxose coa medalla de bronce na proba masculina.

Tras conseguir manterse durante a primeira metade da proba entre os favoritos, subiu ao terceiro caixón cun crono de de 1:21:49. O ouro foi para Iván López (1:21:22) e a prata para Miguel Ángel López (1:21:32).

Podio #CEmarcha 2️⃣0️⃣km 🚹

🥇 Álvaro López ⏱️ 1:21:23
🥈 Miguel Ángel López ⏱️ 1:21:38
🥉 Daniel Chamosa ⏱️ 1:21:49

📊 https://t.co/drAGRmZY9J
📺LaLigaPluspic.twitter.com/Y8D0Wuodkm

— atletismoRFEA (atletismoRFEA) March 30, 2025

Consulta todos os resultados neste enlace