Xa hai, ademais de data, horario para o partido que enfrontará ás seleccións de España e Italia o vindeiro venres 1 de decembro no Estadio Municipal de Pasarón.
Segundo confirma a Real Federación Española de Fútbol (RFEF) e aparece xa reflectido na páxina web da UEFA, o encontro da quinta xornada da Women's Nations League foi fixado para as 21.30 horas da noite.
Polo momento pouco ou nada se sabe aínda das entradas para o choque das campioas do Mundo, máis aló de que a venda das localidades activarase nos próximos días.
As entradas poderán adquirirse a través da páxina web da Real Federación Española de Fútbol.